-- ADVERTISEMENT --

LEGAZPI CITY- Nakabantay na an Philippine Coast Guard (PCG) sa mga pantalan bilang pagtatao nin seguridad ngunyang Undas.

Sa intrevista kan Bombo Radyo Legazpi kay Ensign Lloyd Olea kan PCG Bicol, nagkaag na an coast guard kaiba an Department of Transporation (DOTr) nin mga help desk sa manlain-lain na pantalaan sa rehiyon.

Pwedesir ining maranihan kan mga nagbabiyahe para sa saindang mga kahapotan mantang preparado man na magresponde sa anuman na emerhensya.

Parte suboot ini kan taunan na Oplan Biyaheng Ayos kan PCG na obhetong mamantinir an seguridad kan publiko hasta sa matapos an selebrasyon kan okasyon.

Mahigot man na pigtututokan kan PCG an mga darang bagahe kan pasahero nganing masiertong wara sa mga ini an kontrbando mantang pig-oobserbar man an health protocols.

-- ADVERTISEMENT --

Pangapudan kan opisyal sa gabos na mga mabiyahe ngunyan na Undas na siertohon na nakasunod sa mga regulasyon siring kan pagsulot nin face mask asin face shield, social distancing asin dapat man na kompleto kan mga pighahagadan na rekisitos siring kan vaccination card asin negative test result kan RT PCR test.