LEGAZPI CITY- Pangapudan sa ngunyan kan sarong pamilya sa Barangay Sugoy, Castilla, Sorsogon an tabang makalihis na maabo an harong sa nangyaring kasulo.

Sa intrevista kan Bombo Radyo Legazpi kay Marilou Marmol, tugang kan nasuloan nin harong na si Alex Marmol, nawalat sa saindang harong an tolo niyang pamangkin na edad 10 anyos. 8 anyos asin 6 anyos kan mangyari an kasulo.

Nagkakawat suboot an tolo nin kalayo na pinagtutubudang pinagpunan kan kasulo na marikas na naglakop sa harong na gibo man sana sa light materials asin anahaw an atop.

-- Advertisement --

Nag-abot man an mga bumbero ngani na magresponde sa insidente alagad huri na huli ta dagos ng naabo an harong.

Sa ngunyan nagtitinir an pamilya Marmol sa chapel kan barangay na hagad an udok sa boot na pagtabang kan mga may kakayahan lalo pang labi na ngani an naeeksperyensyahan na pagtios huli sa pandemya.