Photo courtesy of Reuters

Binawian na nin buhay si US Supreme Court Justice Ruth Bader Ginsburg makalihis an pakikipaglaban sa helang na cancer sa edad na 87-anyos.

Si Ginsburg an ipigkokonsiderar na “icon” kan pagbusol sa mga direchos kan mga kababaihan asin prominenteng feminist sa mga liberal sa US.

Susog sa kumpirmasyon kan pamilya ni Ginsburg, nautsan ini sa harong sa Washington, DC.

-- Advertisement --

Sa paglaog kan 2020, nagsairarom si Ginsburg sa chemotherapy huli sa pagbalik kan saiyang metastatic pancreatic cancer.

Si Ginsburg an pinakagurang na hukom na nagtukaw sa Supreme Court, makalihis na magsirbi nin 27 taon sa pinakahalangkaw na korte kan US.

Susog man sa mga report, limang beses na nagpabalik-balik an cancer ni Ginsburg asin pinakahudyan na recurrence an ngunyan na taon.

Dai man ini nagpundo sa trabaho sa korte asin paninindugan na hasta kaya kan lawas, magpapadagos sa paglaog sa US Supreme Court. (BBC)