LEGAZPI CITY-Aminado an nagkapirang mga atleta na masabak sa 31st South East Asian Games sa Hanoi, Vietnam na nakukulangan sa training huli sa mga restrictions na pigpapaotob katakod kan coronavirus disease pandemic.

Sa intrevista kan Bombo Radyo Legazpi kay Mark Joseph Gonzales, Bicolano athlete na kaiba sa Philippine Takraw Team, nag-abot na siya sa ngunyan sa Manila kaiba an iba pang mga miyembro kan team alagad jogging asin pagbibisekleta pa sana an nagigibo.

Padipisilan suboot an pagluwas asin an mga pagtitipon-tipon sa ngunyan kung kaya limitado sana an oras nin ensayo mantang dae pa man nagpupuon an training sa laog kan bubble.

-- Advertisement --

Aminado si Joseph na dae pa naabot hasta sa ngunyan an target na kondisyon kan hawak para sa pagsabak sa international competition kung kaya kaipohan pa nin mas halawig na training.

Antes na magsabak sa Vietnam SEA Games masagibo muna nin tryouts an Philippine Takraw kung sain maglalaban-laban an mga napiling atleta para sa anom na slots na ipapadara sa kompetisyon.

Isasagibo an SEA games sa Nobyembre 21 Disyembre 2 kan presenteng taon.