LEGAZPI CITY- Liwat na nangapudan si Legazpi City Mayor Noel Rosal sa publiko na magpabakuna kontra sa coronavirus disease asin dae na mahadit sa posibleng side effects kaini oras na punan na an vaccination program sa nasyun.

Sa intrevista kan Bombo Radyo Legazpi kay Mayor Rosal, nganing mahali an pagkahadit kan publiko nagkasararo an 14 mga alkalde sa provincia nin Albay na isapubliko an saindang pagpapabakuna nganing ipahiling sa tawo na wara nin dapat na ikahandal sa pagresibe kan COVID vaccine.

Enot suboot na pigsuhestiyon an lakdang ni Tabaco City Mayor Krisel Lagman Luistro kung planong ipahiling live sa mga social media sites an saindang pagpapabakuna.

-- Advertisement --

Sa siring kaining paagi naglalaom an mga alkalde na makaengganyar nin mas dakol na tawo nganing magpabakuna na.

Aminado kaya si Mayor Rosal na hasta sa ngunyan dakol man giraray an mga nahahadit sa posibleng side effects kan bulong sa ibong kan kampanya kan gobyerno.

Sa ngunyan wara pa nin petsa kung nuarin isasagibo an aktibidad mantang pigpaplantsa na an magiging venue kan pagpapabakuna kan mga alkalde.