LEGAZPI CITY – Halangkaw an nairehistrong nagpositibo sa COVID-19 sa provincia kan Masbate na uminabot sa 28 kaso.

Susog sa latest data na ipigluwas kan Department of Health (DOH) Bicol para sa petsang Enero 11, nasa 87.5% kan positibong resulta na naresibe kan ahensya an hali sa nasabing island province.

Kadaklan sa mga nagpositibo an hali sa banwaan kan Milagros na nagsakat sa pito, anom sa Palanas, apat sa ciudad kan Masbate, tigduruwa sa Baleno, Balud, San Jacinto asin Uson mantang nakapagrehistro nin tigsararong kaso an mga banwaan kan Mobo, Pio V. Corpuz asin Placer.

-- Advertisement --

Afuera sa Masbate, nakapagrehistro man nin mga bagong kaso an Guinobatan, Albay na may duwa asin Goa, Camarines Sur na duwa man.

Sa kabilugan, nagsakat na sa 3,838 an total confirmed cases kun sain 461 an aktibo.

Nasa 3, 211 man an total recoveries huli sa 33 na nadugang mientras na nasa 166 naman an death toll.