LEGAZPI CITY- Pangapudan sa ngunyan kan grupo nin mga hog raisers sa mga Pilipino na enotong bakalon an mga produktong hali sa Pilipinas.

Sa intrevista kan Bombo Radyo Legazpi kay Nicanor Briones an Chairman kan Pork Producers Federation of the Philippines, aminado ining labi ng naapektaran an mga lokal na paraoma kan pagruso kan kadakol na mga imported products hali sa ibang nasyun.

Makamundo suboot na imbes na mga lokal na produkto, mga karneng orig na hali sa ibang nasyun an mas pigpipiling bakalon kan mga Pilipino.

Segun kay Briones, mas maray giraray an mga lokal na produkto kung sain makakasigurado na bago asin may kalidad, mantang makakatabang pa sa mga nasa lokal na sektor.

Pagbuyagyag kan grupo na sa ngunyan kadakol ng mga hog raisers an nagpundo na muna sa pag-aataman nin orig dara kan magkakasunod-sunod na problemang nag-agi sa nasyun siring kan outbreak kan African Swine Fever, halangkaw na importasyon asin sabayan pa kan coronavirus disease pandemic.

-- Advertisement --