LEGAZPI CITY- Proud na proud asin labi an pasasalamat kan pamilya Bejino para sa mga naabot kan Bicolano national para swimmer na si Gary Bejino na nakatalaang maglaban ngunyan na aldaw sa Tokyo Paralympics.

Sa intrevista kan Bombo Radyo Legazpi sa ina ni Gary Bejino na si Nanay Evelyn na taga-San Lorenzo, Tabaco, maski na wara nin telebisyon makikiling sinda sa kapitbahay ngani na masubaybayan man an pagsabak kan aki sa prestehiyosong kompetisyon.

Dae mapugolan ni Nanay Evelyn na maging emosyunal kan iheras an istorya kan buhay ni Gary na Grade 1 suboot kan makuryente asin maputolan nin bitis asin kamot.

Segun kay Evelyn, dae nawaran nin paglaom an saiyang aki na nagpursigi sa pag-aadal hasta sa makakua nin scholarship kan Grade 5 asin makapag-adal sa Manila hasta sa magkolehiyo.

Dae na suboot pighuna kan saindang pamilya na makakaukod pa ini nin swimming alagad nagibo pang makasabay sa national team asin ngunyan representante kan Pilipinas para sa men’s 200-meter individual medley SM6 kan Paralympics.

-- Advertisement --

Mensahe man ni Nanay Evelyn sa aki na itao an gabos na makakakaya sa kompetisyon asin proud na proud na suboot an saindang pamilya sa dakulang honra na naiuli kaini manggana man o madaog sa Olympics.