Nairehistro kan Los Angeles County public health officials an “highest single-day count” kan COVID-19 cases asin pagkaospital puon kan magtama an pandemya sa US.

Susog sa datos kan health authorities, nag-abot sa 4,244 an bagong kaso asin 2,103 an dinara sa ospital mientras na nasa 27% sa mga ini an nasa intensive care.

Nadugangan man nin 73 na panibagong pagkagadan sa county.

-- Advertisement --

Suminakat an nasabing mga numero makalihis sana an patanid kan mga opisyal sa ciudad kan Los Angeles na diit na datos na sana antes an pag-abot sa highest threat level asin imminent shutdown kan ciudad, huli sa padagos na paglangkaw kan mga kaso.