LEGAZPI CITY- Nag-abot sa P121.5 milyon an nairehistrong danyos sa rehiyong Bicol dara kan pagtama kan Bagyong Jolina.

Sa intrevista kan Bombo Radyo Legazpi kay Gremil Naz an tagapagtaram kan Office of Civil Defense (OCD) Bicol, nasa P104 milyon sa nasabing numero anpara sa mga nadanyaran na imprastraktura mantang P16.5 milyon an initial damage assestment para sa sektor kan agrikultura.

Nasa 888 man na mga kaharongan an naraot kan bagyo na kadaklan an hali sa provincia nin Masbate kung sain 190 sa mga ini an tottaly damaged.

-- Advertisement --

Mientras tanto, pag-abot man sa mga casualty duwang katawo an naireport na binawian nin buhay makalihis na malunod sa magkasuway na insidente sa Cawayan asin Placer, Masbate.

Nasa 14 katawo man an naireport na nawawara asin padagos na pinaghahanap sa ngunyan kan mga otoridad.