No photo description available.
Photo courtesy of DOH CHD Bicol FB

LEGAZPI CITY – Nagsakat sa 46 an mga panibagong nagpositibo sa COVID-19 sa Bicol.

Susog ini sa latest data kan DOH Bicol kun kaya nasa 3,907 an total confirmed cases kun sain 515 an aktibong kaso.

Pinakahalangkaw na nairehistrong kaso an Camarines Sur, pigsusunda kan Albay na 11 hali sa mga banwaan kan Daraga, saro; Guinobatan, duwa; apat sa ciudad kan Legazpi asin apat man sa Tiwi.

-- Advertisement --

Duwa man an nadugang sa Daet, Camarines Norte; apat sa San Andres, Catanduanes asin saro sa Irosin, Sorsogon.

Makalihis man an naireport na labi sa 20 nagpositibo sa saro sanang aldaw, dai man ngunyan nin nairehistrong bagong kaso sa Masbate.

Mientras tanto, nasa 3, 226 na an mga nagrahay asin 166 an nagadan sa helang.