LA UNION – Nagsublin iti face-to-face classes dagiti estudyante idiay Hong Kong.

Daytoy ti kinumpirma iti Bombo Radyo La Union ni BINC Emily Miranda maysa nga OFW iti nadakamat a pagilian.

Kinuna na a nalpasen iti online learning ken nagsubli iti face-to-face classes kalpasan iti chinese new year celebration.

-- Advertising --

Nupay kasta, dagiti pay laeng Grade 4 agingga kolehiyo iti nagsubli iti normal a face-to-face classes bayat a dagiti estudyante manipud Grade 1- Grade 3 ket by-schedule iti panagklase dagitoy.

Nupay mas naluk-lukay itan dagiti allagaden kontra COVID 19 idiay Hong Kong, kasapolan da latta ti agsuot ti face mask.

Kabayatanna, kinuna ni Miranda nga in-inuten nga agsub-subli iti normal a taray ti ekonomiya idiay Hong Kong.

Base kunana iti kapaliiwan na, nga uray adu dagiti napaawid iti bukod da a pagilian nga OFW ken dadduma pay a puli idi timpuar ti pandemiya iti COVID 19, arigna kunana a saan unay a naapektaran iti ekonomiya ti Hong Kong, isunga nalaka met laeng nga agsubli iti ganaygay ti ekonomiya sadiay.