LA UNION – Aganay 15 a mangngalap a naglugan iti bukod da a bilog iti dagus a nagturong iti paset ti kabaybayan idiay Caba, La Union a bimtakan iti trainer aircraft ken nakatayan iti maysa nga student pilot, idi malem kalman, May 26.

Iti eksklusibo nga interview ti Bombo Radyo La Union iti maysa kadagiti nagresponde a mangngalap a ni Claudio Tresinio, ken maysa a bantay dagat, madama da a mangmangan iti igid ti baybay idi nakita da iti aircraft a nagsuwek iti baybay ken dagus a bimtak apaman a nagdisso iti danum.

-- Advertising --

Dagus nga immarayat dagiti mangngalap ket iti uneg ti 10 a minutos, nadanon da iti nakapasamakan ti insidente.

Segun kenni Tresinio, dagus da nga inlugan iti bilog iti biktima a ni Mark Irvin Marcelo Sabile, 26-anyos, tapno iturong iti ospital, ngem naideklara a dead-on-arrival.

Istorya na pay a timpaw iti bagi ti biktima agsipudta nakasuot ti life vest ngem nakita da nga adu ti fissure ken crack iti bagi na gapwanan iti napigsa a panagbettak ti aircraft.

Kinuna na pay a nawara a pirme iti aircraft gaputi napigsa a panagbettak.

Base iti impormasyon, ti nasao a trainer aircraft ti First Aviation Academy idiay Subic, Zambales nga immando ti 26-anyos nga student pilot ket naggapo idiay Iba Airport, nagturong ditoy La Union ken dumagas koma pay idiay Lingayen Airport, sakbay nga agsubli idiay Iba, idi a napasamak metten ti trahedya.

Iti bangkay ni Sabile ket naiturong iti punerarya idiay Caba, La Union ket anyaman nga oras, maiyawiden daytoy iti pamilya na idiay Apalit, Pampanga.

Claudio Tresinias, Bantay Dagat
Jerry Tresinias, Bantay Dagat