LA UNION – Pormalen a nai-turnover iti Quezon City Police District Station 2 idiay NCRPO iti Top 4 Most Wanted Person, kalpasan a naarestar dagiti otoridad idiay Bangar, La Union iti panangidaulo ni PCapt. Antonio Dasalla Jr. acting chief-of-police ti Bangar Police Station.

Nabigbig ti suspek iti nagan nga Imeljoe Divinagracia, 27, tubo ti San Francisco del Monte, Quezon City ngem naarestar iti  naglemmengan na a lugar idiay Barangay Central East #2, Bangar, La Union.

Iti suspek ket natiliw babaen iti bileg ti warrant of arrest a napetsaan ti June 28, 2019 gaputi kaso daytoy a panagrames ken panaglabsing iti RA 7610 section 5 wenno Acts of Lasciviousness, a napasamak idi 2018.

-- Advertising --

Segun kenni Capt. Dasalla, aganay P200-k iti nairekomenda a piyansa ti suspek para iti kaso nga Acts of Lasciviousness ngem saan a bailable iti kaso daytoy a rape.

Iti suspek ket adda itan iti custodiya ti QCPD Station 2.