-- ADVERTISEMENT --

Agtultuloy ti isaysayangkat nga imbestigasyon iti BFP Aringay iti pannakauram iti sumagmamano nga establishimento pakairamanan iti maysa a pagtaengan iti abay ti merkado publiko idiay Brgy. San Benito Sur, Aringay tattay agsapa.

Iti interview ti Bombo Radyo La Union kenni SFO1 Gener Dulay iti Aringay Fire Station, dimmanon iti 4th alarm ti uram a rinespondian ti nasao nga station ken dagiti kabangibang a fire station.

Naan-anay met itattan a nasebseban iti apoy kasaruno iti panagisayangkat dagiti otoridad iti mopping-up operation iti lugar.

Iti inisyal nga imbestigasyon dagiti otoridad, nadlaw dagiti nakakita ti insidente iti napuskol nga asok a naggapu iti karinderya numan pay agtultuloy pay laeng ti imbestigasyon dagiti otoridad.

Dagus a nagkayamkam ti apoy inggana a nairaman ti maysa a bodega nga aglaon kadagiti grocery items ken fertilizers kasta pay ti maysa a pagtaengan a kaabay dagitoy.

-- ADVERTISEMENT --

Iti agdama agtultuloy pay laeng ti panangduktal dagiti otoridad iti pakabuklan a danyos dagiti nauram nga alikamen bayat nga awan met ti nailista a casualty iti nadakamat nga insidente.