LA UNION – Namnamaen iti Dept. of Interior and Local Government Unit (DILG) La Union nga awanen iti lokal a gobyerno ditoy probinsiya iti saan a pumasa iti naituloy nga implementasyon ti Road Clearing 2.0 ita a tawen.

Segun kenni DILG Provincial Director Virgilio Sison, nangat-ngato iti initial rating a nagun-od ti La Union ita a tawen a 94.24% nu ikumpara idi napan a tawen, a dua nga LGUs iti bimmagsak iti assessment nga insayangkat ti validation team.

-- Advertising --

Kinuna ni Sison nga ammo dagiti lokal a gobyerno iti agbalin nga implikasyon nu saan da a makapag-comply iti nasao a direktiba ti DILG central office.

Nakatulong pay kunana iti panagballigi ita ti Road Clearing 2.0 iti nagbalin a koordinasyon dagiti LGUs iti Provincial Government of La Union (PGLU) ken iti regular a panagtataripnong dagiti opisyal ti maysa nga ili, tapno ipatungpal ti nasao a proyekto, nga addaan ti tarigagay a mawaknitan dagiti national highways manipud iti naduma-duma nga obstructions wenno anyaman a makatubeng iti naannayas a taray ti trapiko.

Iti agdama, ur-urayen laengen ti DILG La Union iti final result nga ipaulog ti DILG central office iti naisayangkat a validation iti nasao a proyekto ditoy probinsiya.