LA UNION – Nagsumite iti maysa a resolusyon ti Sangguniang Panlungsod iti Regional Inter Agency Task Force (RIATF), a kumidkiddaw iti pannakaipalubos ti dua a pasaheros nga aglugan iti agpada a pang-publiko ken pang-pribado a traysikel ditoy syudad ti San Fernando.

Natalantan ti linaun iti nasao a resolusyon, iti linawas a sesyon ti Sangguniang Panlungsod nga idaulwan ni Vice Mayor Alf Ortega, a pakairamanan dagiti masurot a guidelines ken health protocols kontra COVID 19.

Ingkaso a mapatgan iti resolusyon, maysa a pasahero ket aglugan iti uneg ti traysikel bayat a ti maysa ket agbalin a backride ti driver, ngem nasken nga adda iti plastic divider iti nagbabaetan dagitoy.

-- Advertising --

Mandatory met latta iti panagsuot ti face mask.

Immuna ti daytoy, maysa a petition letter iti inaramid ken insumite iti grupo dagiti tricycle drivers ken concerned parties ditoy syudad, iti opisina ti City Vice Mayor tapno kiddawen iti pannakaipalubos iti dua a pasaheros nga aglugan iti traysikel.

Iti agdama, maur-uray laengen iti pangngeddeng ti RIATF iti nasao a resolusyon.