LA UNION – Namnamaen a pagpalawagen ti Baguio City Police Office ti leutinant colenel a natiliw iti uneg ti casinoidiay syudad ti San Fernando, La Union.

Naammuan ti Bombo Radyo manipud ti La Union Police Provincial Office, a naidatagen ti kaso nga adiministratibo kontra kenni P/LtCol. Arman Gapuz, hepe ti Community Affairs Development Unit ti Baguio City Police Office, gapu ti panangsalungasingna iti pammilin ni Pangulo Rodrigo Duterte maipapan ti pannakaipawil a sumrek kadagiti pagsusugalan ti asinuman a government workers.

Saan metten nga interesado ti mangimatmaton iti casino a sampaan ti kaso a kriminal ti nasao nga opisyal ti pulisya.

-- Advertising --

Immuna iti daytoy, base ti salaysay ti maysa kadagiti nagresponde ken saanen a nagpabigbig a pulis a nangtiliw kenni Gapuz, maipagarup a naalarma dagiti empleyado ti casino gapu ta pispisangenna dagiti playing cards tunggal no maabak ti pustana.

Adda idiay Baguio City Police Office ti nasao nga opisyal kalpasan nga impabus-oy ti San Fernando City Police iti panangusig ti kaso daytoy.