LA UNION – Kinumpirma ni BINC Helen Sharon Ebeng-Soriano a maysa a pada na a Pinay nurse iti natay gaputi COVID 19 ken intabon da idi napan a lawas idiay Scotland.

Kagiddan daytoy, kinuna ni Soriano a nakapasidong ita ti nasao a pagilian iti  kangatuan nga alerto gapwanan ti kellaat a panagngato ti kaso iti COVID 19 ken pangta ti replica ti COVID 19, nga immunan a naawagan kas B117 ken nadiskubre idiay United Kingdom.

Maibilang a seryoso a pangta iti salun-at iti B117 agsipudta sumagmamano kadagiti 964 deaths a nailista idiay Scotland iti napalabas nga aldaw ket natakwatan nga awanan ti dadduma a health problems wenno nasalun-at dagitoy.

-- Advertising --

Kabayatanna, inaklon ni BINC Soriano nga adda shortage iti bakuna idiay U.K. kasaruno iti baro a timpuar nga strain ti covid virus.

Kinuna na a dagiti maysa milyon nga umili sadiay nga immunan a naikkan ti COVID vaccine a pakairamanan na, ket naitantan ti pannakaited kadakuada ti second shot, tapno maibingay iti dadduma nga umili nga agkasapolan.

Nupay kasta, inlawlawag na nga uray  first dose pay laeng iti naawat da a bakuna, ket makuna nga 70-80% a protektado dan iti nasao a virus ken maipagarop pay a kabaelan ti nasao a bakuna a protektaran dagiti recipients manipud iti BII7 strain.

Innayon na pay a nga isuda a naikkan ti immunan a dose ti COVID vaccine ket saan a rumbeng nga ag-kampante, isunga kasapolan nga agsuot latta dagitoy ti face mask ken obserbaran ti physical distancing.

Ni BINC Soriano ket maysa a frontliner ken health worker iti maysa nga ospital idiay Scotland, United Kingdom.