LA UNION – Nagpatigmaan ti Provincial Government of La Union (PGLU) iti publiko seknan iti panagraira dagiti scammers ditoy lokalidad.

Kinapudno na, nangipasa ti Sangguniang Panlalawigan iti Resolution No. 148-2021, tapno ballaagan iti publiko ken dagiti pasdek negosyo kontra kadagiti manangallilaw nga indibiduwal ken grupo, ken mangar-aramat ti nagan dagiti lokal nga opisyal ken uray iti sumagmamano nga opisina ti gobyerno.

-- Advertising --

Nakailanad iti nasao a resolusyon a kasapolan nga agridam ti publiko ken i-report a dagus kadagiti otoridad nu adda dagiti mapagdudua-an nga agar-aramid iti pananglimlimo wenno panangloko.

Inaramid ti Sangguniang Panlalawigan iti nasao addang kasaruno dagiti report nga adda iti agraraira nga scammer ken hacker iti social media, nga agkidkiddaw iti gasut a load.