LA UNION – Imbutaktak ni Federal Bureau of Investigation wenno FBI Director Christopher Wray nga adda iti plano a peace rally dagiti supporters ni outgoing US Pres. Donald Trump inton Enero 17, 2021 idiay Washington, DC ken iti dadduma pay nga estado idiay Amerika wenno tallo nga aldaw sakbay iti inagurasyon ni President-elect Joe Biden inton Enero 20.

Daytoy ti impadamag iti pannakiuman ti Bombo Radyo La Union ni BINC Jun Villanueva manipud California, U.S.A.

Kinuna ni BINC Villanueva, a rimuar ti nasao nga FBI report base iti nakalap dagitoy nga impormasyon.

-- Advertising --

Iti pagdandanagan kuna ni Villanueva dagiti otoridad sadiay, ket iti posibilidad nga agbalin nga armed demonstrations iti nasao a peace rally, agsipudta mabalin a gundawayan daytoy dagiti extremist wenno terorista tapno makaisayangkat da iti kinadamsak.

Innayon ni Villanueva a nainget iti ar-aramiden ita a panangtakwat iti federal law enforcement dagiti suspected extremists a posible a makipaset iti nasao a peace rally.

Iti nasao a rally dagiti tagasuporta ni Trump ket tapno maminsan manen nga i-protesta iti resulta ti US 2020 election.