LA UNION – Nairut dagiti maipatungpal nga allagaden kadagiti examinees iti PNP Entrance Examination ken Promotional Examination, a nakatuding a maisayangkat inton Sabado ken Domingo, July 31 ken August 1, 2021 ditoy San Fernando City, La Union.

Iti eksklusibo nga interview ti Bombo Radyo La Union kenni Atty. Mary Hazel Gavina-Bela-O, NAPOLCOM Provincial Officer for La Union, inlawlawag na dagiti requirements a rumbeng nga aramiden ken tungpalen dagiti examinees tapno makastrek dagitoy iti venue.

-- Advertising --

Kinuna ni Atty. Bela-O, nga ita pay laeng, tallo wenno uppat nga aldaw sakbay iti eksaminasyon, kasapolan nga isagana amin a requirements tapno awan ti rumsua a parikot inton examination day.

Umuna, kasapolan nga i-download iti NOA, notice of admission, iti website ti Napolcom ngem nu
nu saan a ma-fill-up-an iti NOA, mabalin met kunana a ma-access ti NAPOLCOM TELEHEAD QR CODE iti venue.

Maikadwa, kasapolan nga ipakita kadagiti security personnels iti venue, iti health declaration form wenno medical certificate, a mangibagbaga a free from covid symptoms iti maysa nga examinee, nga iyisyu laeng ti gov’t physician manipud municipal, city wenno provincial health office wenno swab test/RC PCR test result a mangipakpakita a negatibo iti sakit a COVID-19.

Dagiti nasao a medical certificate wenno test results ket kasapolan a napetsaan manipud July 28 onwards.

Inlawlawag pay ni Atty. Bela-O a saan a masukatan ti medical certificate iti vaccination card.

Ngem napateg iti vaccination card agsipudta daytoy iti requirement nga inyetnag ti IATF a nasken nga ipakita iti border checkpoint tapno dagiti examinees manipud kadagiti probinsiya ti Pangasinan, Ilocos Sur, ken Ilocos Norte ket makastrek ditoy probinsiya ti La Union.

Iti PNP Entrance Examination, dagiti examinees ket kasapolan nga agsuot ti plaine white tshirt wenno polo shirt with dark pants ken close shoes.

Iti Promotional Examination dagiti pulis, nasken nga agsuot dagitoy iti Patrol Shirt.

Impaganetget na a dagiti saan a sumurot iti required attire ket saan a makastrek iti venue.

Iti PNP Entrance Examination ket maisayangkat inton Sabado, July 31, iti tallo a venue, iti SLC, DMMMSU MLUC, ken La Union National High School.

Bayat nga iti Promotional Examination dagiti pulis a naituding inton Domingo, Agosto uno, ket maisayangkat laeng idiay Saint Louis College.

Maipalagip nga idi napan a tawen, naitantan dagiti nasao nga eksaminasyon gaputi COVID 19 pandemic.