LA UNION – Maladingitan ita ti pamilya iti natay a mister gapu ti pannakalmesna idiay baybay a sakupen ti Barangay Baroro, Bacnotan, La Union idi kalman.

Iti pannakiuman ti Bombo Radyo kenni Marvin Dumaguin, kabsat ti biktima a ni Alfredo Higona, 37, residente iti Barangay Poblacion ti nasao nga ili, kinunana a nakilaat daytoy idi nga impakaammo iti ama a nalmes ti nasao a kabsatna.

-- Advertising --

Sigun kenni Marvin, saanna nga ipagarup a malmes ti kabsatna gapu ta sanay daytoy nga aglangoy iti baybay.

Malamlamayan ita ti bangkay ti biktima idiay pagtaenganda.

Immuna iti daytoy, nasarakan laengen ti awanan puot a bagi ti biktima a tumtumpaw iti nadakamat a baybay.

Maipagarup a gapu ti kinapegges ti baybay isu a nalmes ti mister.

Inkagumaan dagiti rescuers nga isalbar ti biag iti biktima ngem napaay dagitoy.