-- ADVERTISEMENT --

Nadiskubre dagiti kameng ti Santol Police Station ti lima a kadisso ti marijuana plantation idiay Sitio Binukel, Brgy Badeo, Kibungan Benguet.

Iti pannakiuman ti Bombo Radyo La Union kenni Police Major Gregorio Oreiro, Chief of Police ti Santol Police Station idiay ili ti Santol, La Union kinuna na a nangisayangkatda ti Oplan Galugad iti kabantayan a paset ti Barangay Tubaday.

Bayat iti kaada da iti Sitio Inasan maysa a concern citizen ti nangipakaamo kadakuda nga adda ti Marijuana Plantation idiay Sitio Kaniogan, Barangay Badeo, Kibungan, Benguet a kasungani a lugar laeng ti Barangay Tubaday.

Dagusda nga inpakaammo kuna na iti Philippine Drug Enforecement Agency (PDEA) Region 1 ket ditoyda a nadiskubre ti (4) a lugar ti marijuana plantation nga adda kalawa a 4×15 square meters ken tunggal disso ket agbalor ti 1,920 a pidaso ti fully grown marijuana a mapatta-patta nga agbalor iti P 384,000 pesos.

Sagiti nasao a fully grown marijuana ket dagus a pinarot, dinadael ken pinuotan dagiti operatiba.

-- ADVERTISEMENT --

Innayon pay ni Major Oreiro a posible a taga La Union wenno taga Benguet ti nagmula dagiti marijuana agsipudta nagbeddengan ti La Union ken Benguet iti nakasarakan ti nasao a marijuana plantation.