-- ADVERTISEMENT --

LA UNION – Arestado iti aglive-in partner iti insayangkat nga entrapment operation dagiti otoridad gaputi sex exploitation wenno maipagarop a panangi-bugaw iti babbai kadagiti lallaki a customer iti iman-manehar dagitoy a videoke bar idiay Brgy. San Francisco, Agoo, La Union.

Nabigbig dagiti suspek nga isuda Joie Ojerio, agtawen ti 50 ken live-in partner na a managan Marietta Anolin, 43-anyos, agpada a residente ti Brgy San Francisco, Agoo, La Union.

Iti entrapment operation nga indaulwan ti Agoo PNP, kadwa da ti naduma-duma a law enforcement units, ken AGOO-MSWD personnels ket naipatungpal agarop ala 1:00 itay parbangon, Oktubre 6, 2022.

Na-rescue dagiti otoridad iti siyam a babbai, a maipagarop nga agtrab-trabaho kas Guest Relation Officers (GRO) iti Red Scorpion Videoke Bar.

Dagiti maibug-bugaw a babbai ket agtawen ti 20, 21, 23, 27 ken maysa iti 30-anyos, maipagarop a naggapo iti nagduduma a lugar ngem agnanaedda itan iti nasao nga ili.

-- ADVERTISEMENT --

Sakbay iti operasyon, nagreport iti Agoo Police Station, iti dua a lallaki, nabigbig laeng iti Mr. Randy ken Mr. Martin, tapno ipaka-ammo nga agilak-lako ti babbai iti nasao a bar, kalpasan nga in-offer kadakuada ni Ojeiro, a mabalin da ti ag-take out iti babai, iti kantidad a P2,000 tunggal maysa.

Gaputi dayta, nagtignay dagiti otoridad tapno mangipatungpal ti operasyon, babaen iti panagpammarang ti maysa a pulis kas customer.

Dagiti suspek ket sumangsango iti kaso a panaglabsing iti RA 10364, wenno Expanded Anti-Trafficking in Persons Act of 2012, bayat a dagiti na-rescue a siyam a GRO ket nai-turnover iti Municipal Social Welfare Dev’t Office idiay Agoo, La Union.

Segun kenni Police Major Norwen Abelida, acting Chief-of-Police ti ili nga Agoo, non-bailable iti kaso iti aglive-in partner.