LA UNION – Inalerto ti Office of Civil Defense (OCD) Region 1 iti amin a Local Disaster Risk Reduction and Management Councils (LDRRMC) iti intero a rehiyon uno, gaputi posible a panagduprak ti bagyo Ramon.

Segun kenni OCD Region 1 Information Officer Mike Sabado, naka-standby ita a rabii iti Incident Command System (ICS) tapno maamwan dagiti pas-pasamak iti masakopan dagitoy, kangrunaan na nu adda dagiti agkasapolan ti tulong.


Inlawlawag ni Sabado a napateg a nakaalerto iti amin a gundaway iti LDRRMC, agsipudta dagitoy iti umun-una a maseknan ken makaammo iti pasamak ti lugar da.

-- Advertising --


Nabilin pay dagitoy a padaanan iti kauddian a weather update ti PAGASA tapno makapaggunay ken tulongan dagiti kasapolan a maiyakar iti mas nataltalged a lugar.


Immunan nga impadamag ti weather bureau nga ag-landfall ti bagyo idiay Cagayan anyaman nga oras.


Iti agdama a kasasaad ti panawen ditoy La Union, makapad-padasen iti nalulem a panawen ken sagpamisan ngem nakapsot a panagtudo.