LA UNION – Nasapa a nag-anunsiyo ti suspensiyon iti klase, iti agpada a private ken public schools, dagiti lokal a gobyeno iti intero a probinsiya ti La Union ita nga aldaw ti Miyerkoles, July 17, 2019.

Base iti announcement dagiti LGUs, awan ti serrek manipud kindergarten agingga high school ditoy syudad ti San Fernando, agraman idiay ili ti Bauang, San Juan, Aringay, Bacnotan, ken Balaoan.

Idiay ili ti Caba, San Gabriel, Sudipen ken Bagulin ket suspendido ti klase iti amin a level ken awan ti mapalubosan nga agturong kadagiti tourist spot gaputa peligro para kadagiti turista.

-- Advertising --

Idiay met ili ti Agoo ken Pugo, iti laeng klase iti elementarya ti kanselado ita nga aldaw.

Daytoy ket para met laengen iti kinatalged dagiti estudyante ken manursuro ken agserbi a precautionary measure iti agbalin nga epekto ti bagyo Falcon.

Iti nagpatnag ket nagtul-tuloy ti panagtudo na ditoy probinsiya ti La Union nupay saan met unay a napigsa daytoy ken saan a karaman kadagiti lugar a nakaingatuan ti warning storm signal.