LA UNION – Kinumpirma ni PMaj Cris Simon, OIC Chief-of-Police ti Burgos Police Station, a nagpakamatay babaen iti panangpa-et iti tengnged na iti maysa a 27-anyos a baro idiay Barangay Old Poblacion, Burgos, La Union.

Iti biktima ket managan Reymart Madlaeng, maysa a furniture worker, residente ti nasao a lugar.

-- Advertising --

Iti pannakiuman ti Bombo Radyo La Union kenni Maj. Simon, kinuna na a mismo a ti ina ni Reymart a ni Anita Madlaeng, 56-anyos, agnanaed ti nasao met laeng a barangay, iti nakakita ti nakadasay ken dara-dara a bagi ti biktima iti mismo a pagtrab-trabahuan daytoy.

Naiturong ti biktima babaen ti ambulansiya idiay Naguilian District Hospital ngem naideklara a dead-on-arrival.

Segun pay kenni Maj. Simon, maipagarop nga awan ti ammo iti pamilya na nu anya ti problema ti baro a posible a nangiduron kenkuana tapno agpakamatay.

PMaj Cris Simon, OIC-Burgos PS