LA UNION – Dinopodop dagiti tattao iti umuna nga aldaw ti renewal iti business permit idi kalman, Enero 4, ditoy syudad ti San Fernando, La Union.

Nupay adda dagiti naimuntar a pagtugawan dagiti tattao, saan a naliklikan iti panag-i-innasideg, banag tapno saan a nasurot iti physical distancing, a maysa kadagiti health protocol tapno maliklikan ti transmission iti COVID 19.

Nupay kasta, nasurot met iti dadduma nga allagaden, kas iti panagsuot ti face mask ken face shield.

-- Advertising --

Nairut a maipatpatungpal iti No face mask, No face shield, No transaction policy.

Segun kenni Rizalyn Medrano, agdama a City Local Economic and Business Development Office Cheif, awan ti bayadan a penalty ngem kasapolan a ma-accomplish iti business permit  agingga agtapos ita a bulan ti Enero.

Impaganetget ni Medrano nga importante a kumpleto dagiti imet a requirements iti panagala wenno panag-pabaro ti business permit, tapno naparpartak iti panagi-proseso.

Napateg pay kunana iti panangsurot iti naituding nga schedules iti panag-renew ti business permit para iti tunggal barangay, tapno maliklikan ti panagdopodop dagiti tattao.

Iti renewal ti business permits ket agpaut agingga Enero 20, 2021 ngem dagiti saan a makasurot iti naituding nga schedule ket maikkan da ti gundaway, manipud Enero 21 agingga Enero 30.