LA UNION – Linagip iti probinsiya ti La Union ken intero a pagilian iti Fire Prevention Month, a pormal a nangrugi idi kalman, Marso uno.

Iti Fire Prevention Month ket makabulan nga aktibidad ti Bureau of Fire Protection ken addaan ti tema ita a tawen a, “Pag-iwas sa Sunog, Hindi ka Nag-iisa.”

Iti BFP-San Fernando City ken BFP-Rosario La Union ken amin a fire stations ditoy probinsiya ket balligi nangisayangkat ti programa idi bigat kalman, babaen iti motorcade a nagiddanan iti panang-paguni iti sirena dagiti firetrucks.

-- Advertising --

Idiay ili ti Rosario, kabinnulig ti BFP-Rosario iti Philippine National Police ken MDRRMO a nangiganwat ti motorcade.

Nangipaay da pay iti epektibo a tips tapno maliklikan dagiti insidente ti uram.

Iti bulan ti Marso ket naideklara a Fire Prevention maiyannurot iti Proclamation No. 115-A, agsipudta daytoy iti maibilang a kabaraan a bulan ditoy Pilipinas ken daytoy iti panawen nga ad-adu dagiti mailislista nga insidente ti naduma-duma a klase ti uram.

Naamwan nga iti napasamak nga uram iti maysa a pagadalan idi bulan ti Enero, iti maibilang a kadackelan nga insidente idiay ili ti Rosario ita laeng a tawen.