LA UNION – Agtultuloy iti panangtarabay ti Dept. of Trade and Industry (DTI)- La Union kadagiti babassit a negosyante tapno agtalinaed a sibibiag dagitoy iti tengnga ti pandemya.

Imbinsa-binsa ni DTI Provincial Director Merly Membrere dagiti tulong nga ipapaay ti opisina na para kadagiti Micro Small and Medium Enterprises (MSMEs), kas iti loan program a maipagarop nga awan ti maipataw nga interest ken panangisayangkat dagiti webinars ken trainings kadagiti negosyante.

-- Advertising --

Kinapudno na, addan iti pakabuklan a 3,013 MSMEs iti natulongan ti DTI babaen kadagiti programa daytoy, a ranta a tulongan a sitatakder dagiti babassit a negosyante ita a panawen ti health crisis ken dagiti mangrugi pay laeng nga ag-negosyo.