LA UNION – Napugipog iti maipagarop a maysa a drug den idiay Tubao, La Union kalpasan iti insayangkat a joint operation ti PDEA-La Union, PDEA-Baguio, Tubao Police Station, ken dadduma pay nga operating units idiay Brgy. Teresa ti nasao nga ili itay agsapa, Hunyo 1.

Arestado iti nasao nga operasyon dagiti innem a suspek kabilang iti maysa a High School Teacher a babae, nabigbig iti nagan a Jocelyn Vergara, 47-anyos, ken residente ti Hamada Subdivision, Baguio City.

-- Advertising --

Kabilang pay dagiti naarestar da: Michael Bulatao, 46, fruit vendor ken agnanaed iti Hamada Subdivision, Baguio City; Bong Joel Salvador, 37, unemployed ken residente ti Bembo, Makati City; Roland Galera, 48, painter manipud Brookside, Teachers Camp, Baguio City; Baby Boy Dennis Paguio, 47, agnanaed ti Green Valley Village Brgy. Dongtogan Baguio City; ken ni Brendon Cables, 47, unemployed manipud San Carlos Heights Baguio City.

Iti pannakatiliw dagiti suspek ket kalpasan iti panangiserbi ti search warrant a napetsaan ti May 27, 2021 nga inisyu ni Hon. Ethelwolda A. Jaravata, Presiding Judge ti RTC Br. 32, First Judicial Region, Agoo, La Union gaputi kaso a Violation of RA 9165 wenno Comprehensive Dangerous Drugs Act of 2020.

Kinumpiskar dagiti otoridad iti aganay 20 a gramo ti shabu a mapatta-patta nga agbalor ti P136,000.00 kabilang iti naduma-duma a drug paraphernalia ken maysa a weighing scale.

Dagiti suspek ket adda ita iti kustodiya dagiti ti Phil. Drug Enforcement Agency (PDEA) para iti umno a disposisyon.