LA UNION – Tallo aldawen a saan a timmapog dagiti mangngalap ditoy syudad ti San Fernando gaputi pangta ti bagyo Ulysses.

Segun kenni Jerry Ollero, maysa a mangangalap ken residente ti fisherman’s village iti Barangay Poro, San Fernando City, La Union pinanunot da a talaga iti kinatalged dagitoy para iti pamilyada, isunga idi aldaw ti Martes ket saan dan a napan nagkalap iti kabaybayan.

Agingga ita kunana ket nadawel pay laeng iti kabaybayan isunga peligro pay laeng iti agpataaw para kadakuada a babassit a mangngalap, ken uray pay ti panagdigos iti igid ti baybay ket saan a natalged.

-- Advertising --

Iti agdama, nakapa-igid dagiti bangka dagiti mangngalap iti fisherman’s village ken urayen da pay a sumayaat iti kasasaad ti panawen sakbay a mapanda manen agkalap iti taaw.