-- ADVERTISEMENT --

Nagbalin a treding iti social media platform a Tiktok a nangipeksaanda ti rikna kalpasan a saan a napalubosan nga umuli ti stage ti maysa a college graduate ditoy probinsya ti La Union.

Immuna ditoy, inbingay ni Celene Rosaldo iti social media ti pannakapaay kalpasan a madadael ti graduation ti kabsat na a ni John Marcelino Rosaldo gapu ti saan a naiproseso a graduation fees.

Kinuna ditoy ni Rosaldo nga iti commencement rites ti Lorma Colleges La Union, saan nga pinalubosan a nagmartsa ni John Marcelino ken awaten ti diploma na.

Iggem laeng idi ni John ti maysa a nabalkot a papel nga inusar na iti photo ops kalpasan ti graduation rites.

Mainaeg iti daytoy, maipagarop a saan a nai-confirm ti nasao a pagadalan iti graduation fee ni John Marcelino ken awan iti naipakaammo kadakuada maipapan iti daytoy isu nga arigna nakellaatda iti mismo a graduation daytoy.

-- ADVERTISEMENT --

Kabayatan iti panagturong ti Bombo Radyo La Union iti pamilya Rolando ket saanda a nangipaay iti anyaman a mensahe mainaeg iti nasao nga isyu.