Iti laksid nga agtultuloy ti pannakaibuyat iti napigsa ken mapatto-pattok nga panagtudo ket agtaltalinaed nga awan iti naibayog a signal warning iti Ilocos Region nga pakairaman iti La Union.

Maibasar iti nakalap nga impormasyon ti Bombo Nes Team adun dagiti nailista a nalayos nga pagtaengan ken arigna nagbalin nga baybay dagiti kataltalonan.

-- Advertising --

Malaksid iti dayta, adu kadagiti kataltalonan iti umuna ken ma-ikadua a disrito ti La Union iti limned kadagiti talonda no sadino pagam-amkan dagiti mannalon a malpes dagitoy ken saanen nga mapagnumaran.

Iti sabali a bangir, nakapasar met iti panagregaay iti daga idiay Sitio Kalipkip, Brgy. Poblacion, Arinay, La Union ken agtaltalinaed nga unpassable.

Saan met ita a madalanan iti kawatiwatan ti national highway nga sakopen iti Barangay Bitalag, Bacnotan, La Union gapu ti nangato a danom ti layos.

Mainaeg iti daytoy, agtultuloy iti panagmonitor ti MDRRMC ken PDRRMC kadagiti amin a masakopan dagitoy kasaruno ti napigsa nga buyat ti tudo.

Nakasagana met dagiti tulong nga maited kadagiti umili nga apektado ti layos.

Kabayatan na, nagballaag met ti coast guard kadagiti mangngalap a liklikkan ti agpataaw gaputa nangato pay laeng ti dalluyon iti kabaybayan.