-- ADVERTISEMENT --

Dead on the spot ti agkasinsin kalpasan a madungpar ti naglugananda a motorsiklo iti kawatiwatan ti national highway a masakopan ti Barangay Cabua-an, Balaoan, La Union idi rabii.

Nabigbig dagiti pimmusay a biktima nga isuda Mar Francisco, 18, ken ti backriderna a ni Christian Blanco, 17, baro ken agpada a residente ti nasao a lugar.

Maibasar iti imbestigasyon ti Balaoan Police, daldalyasaten ti motorsiklo dagiti biktima ti agpaamianan a direksyon.

Iti interview ti Bombo Radyo La Union kenni PSSgt. Rodel Licudan, sakbay ti insidente, nakasinnabat ti motorsiklo ti nagsaruno a tricycle ken (10) wheeler truck a minaneho ni Ancelmo Pacariem, 42, addan asawa ken resident ti Barangay. Monte, Paoay, Ilocos Norte.

Segun kenni Licudan, agpaabagatan a direksyon ti tricycle a pa zigsag ti taray na idi nga immagaw ti linya na ti motorsiklo a nakaigapuan ti aksidente a panagdinnungpar dagitoy a nakaipurwakan dagiti biktima ken agpag-iso a naatalan isuda ti 10 wheeler truck.

-- ADVERTISEMENT --

Dagus met a naglibas ti saan pay a masinuno a tricycle a nagturong ti agpadaya a direksyon.

Naamuan nga agawiden dagiti biktima idi a napasamak ti insidente.

Kabayatan na, agtaltalinaed pay laeng iti kustodiya ti Balaoan Police Station ti respondent driver.