LA UNION – Target ti Phil. Drug Enforcement Agency (PDEA)-La Union a dalusan manipud iligal a droga ti intero a probinsiya ti La Union ita a tawen.

Kinuna iti Bombo Radyo ni Intelligence Officer III Dheo Tabor, kasapolan iti pannakibinnulig dagiti barangay officials ken LGUs babaen iti agtultuloy a panangipatungpal dagiti addang ken kampanya kontra illegal drugs, tapno magun-od ti tarigagay da a pagbalinen a drug cleared iti intero a probinsiya.

Segun kenni Tabor, adda pay iti 13% wenno 80 a barangay iti saan pay a drug cleared.

-- Advertising --

Malaksid dayta, mangisayangkat ti ahensiya iti re-validation kadagiti barangay nga immunan a naideklara a drug cleared tapno amwen nu maitultuloy met laeng dagiti programa kontra droga ken saanen a nagsubli ti iligal nga aramid dagiti drug surrenderees.