-- ADVERTISEMENT --

LA UNION – Nakaragsakan iti La Union Provincial Health Office ti napartak a panagadu ti mabakbakunaan kontra ti COVID-19 ditoy probinsya ti La Union.

Sigun kenni Dr. Dan William Dacanay, vaccine operation manager, umabuten iti pakabuklan a 281,438 iti nabakunaanen wenno kaibatugan daytoy iti 48.13 percent a populason ti probinsya.

Manipud iti nasao a bilang, 185,216 ti fully vaccinated wenno 31.67 percent nga adult ti populasyon.

Kinuna ni Dr. Dacanay, nasayaat iti ipaspasimudaag ti vaccination rate gapu ta posible a ti sumaruno a tawen ket madanunen iti 50 percent ti bakunadon a residente ti La Union.

Innayon pay ni Dr. Dacanay, manipud iti sigud a 60 percent a populasyon a target a mabakunaan kontra ti COVID-19 ditoy probinsya ket ikagumaanda a gun-uden iti 70 percent sakbay nga aggibus ti tawen 2021 gapu ta agkarasangpet dagiti bakuna nga ipapaay ti Department of Health.

-- ADVERTISEMENT --