LA UNION – Nagsagaba iti pannakadundunor dagiti tallo nga indibidwal kalpasan a nagdinnungpar dagiti naglugananda a motorsiklo iti barangay road a masakupan iti Sitio Dike, Barangay Rissing, Bangar, La Union idi rabii.

Nabigbig ti nagmaneho iti Honda 125 motorcycle a ni Arvie Villanueva, 25-anyos, baro ken residente iti Barangay Rissing, Bangar; ken maysa a Loncin 110 motorcycle a minaneho iti managan Michael De Guzman, 36-anyos, baro ken residente iti Barangay Oaqui 1, Luna, La Union.

Maibasar iti imbestigasyon ti Bangar Police, maipagarup nga immagaw iti linya ni De Guzman kasaruno iti panagdinnungpar iti kasinnabatna a lugan nga iggem ni Villanueva.

-- Advertising --

Naglak-am iti pannakadundunor kadagiti naduma duma a paset iti bagi dagiti dua a nagmaneho iti motorsiklo ken ti backride ni Villanueva a ni Rogelio Ortiza, 25-anyos, kasaruno iti pannakaiturongda iti ospital.

Agpapada nga awanan iti suot nga helmet ken maipagarup a nakainom pay iti arak dagiti tallo.

Ur-urayen met iti pulisya iti agbalin a panggeddeng dagiti nasugatan maipapan ti pagbanagan iti napasamak nga aksidente.