-- ADVERTISEMENT --

Naiturong iti pagagasan ti dua nga indibidwal kalpasan a naidungpar ti nagluganan dagitoy a kotse iti poste ti telephone company iti national highway a masakupan ti Brgy. Quinavite, Bauang, La Union agarup alas-10:00 ti rabii.

Nabigbig dagiti biktima nga isuda Brandy Ramirez, 34, addaan asawa, driver ti kotse idinto a nabigbig ti pasahero daytoy a ni Ariel Pulido, 30-anyos, residente ti Barangay Madayegdeg, City of San Fernando, La Union.

Iti interview ti Bombo Radyo La Union iti imbestigador, napaspas ti taray ti kotse nga agturturong iti amianan a direksyon idi a maipagarup a napukawan iti kontrol ti driver a nangitunda ti pannakaidungpar daytoy iti 3 a poste ti telco.

Nagsagaba ti minor injuries dagiti biktima kasaruno ti pannakaiturong dagitoy iti Ilocos Training & Regional Medical Center iti syudad ti San Fernando para iti pannakatamingda no sadino agpada dagitoy a nga adda ti natalged a kasasaad.

Nagpara met iti nakaro a pannakadadael ti behikulo iti saan pay a madetermina a gatad ti pannakatarimaan.

-- ADVERTISEMENT --

Naamuan nga agawiden dagiti biktima idi napasamak ti insidente ken maipagarup nga addaanda ti impluwensiya ti nasanger nga inumen dagiti idi napasamak ti insidente.