LA UNION – Makipaset iti International Surfing Association World Surfing Games Olympic Qualifier dagiti 6 a Filipino surfers idiay El Sunzal, El Salvador inton May 29-June 6.

Kabilang iti bunggoy ti Pilipinas iti 2 top-ranked surfers manipud San Juan, La Union nga isuda SEA Games bronze medalist Daisy Valdez ken SEA Games silver medalist Jay-R Esquivel.

-- Advertising --

Karaman pay iti bunggoy da SEA Games gold medalist Nilbie Blancada, Sea Games bronze medalist John Mark ‘Marama’ Tokong, beterano a surfer a ni Edito ‘Piso’ Alcala Jr. ken iti teenage surfer a ni Vea Estrallado.

Segun kenni Coach Ian Saguan, dimmalan da iti nairut a panagsanay tapno masaganaan a naimbag iti kompetisyon.

Namnamaen nga agluas ti bunggoy agturong idiay El Salvador inton lunes, May 17.

Dagiti innem a national surfers ket makibalubal iti shortboard category.

Target ti Philippine Team a makagun-od ti pwesto para iti 2021 Japan Olympic Games.