LA UNION – Isagsaganan iti pulisya ti kaso kontra kadagiti dua a lallaki a naaresto gapu iti panagikot ti paltog iti nagsina a lugar idiay Umuna a Distrito ti La Union.

Idiay ili ti Barangay Cabua-an, ili Balaoan, natiliw ni Elmer Oyay, 41, a taga Barangay Paganao, Lagangilang, Abra.

Babaen iti COMELEC checkpoint nga insayangkat iti Philippine Army ken Balaoan Police ket naduktalan iti maysa a cal .45 a paltog nga ikot ni Oyay agarup alas-9:45 idi rabii.

-- Advertising --

Kabayatanna, maysa met a cal .45 a paltog iti nakompiskar iti otoridad manipud iti salwad ni Elpedio Lopez Jr., 38 idiay Barangay Paagan, ili ti Santol agarup alas-11:30 idi rabii.

Naaresto ni Lopez babaen kadagiti kameng ti 1st La Union Provincial Mobile Force Company (LUPMFC) ken Santol Police a mangisaysayangkat ti panagpatrolya.

Kaso a panaglabsing iti COMELEC Gun Ban ken illegal possesion of firearm ti sanguen a reklamo idiay piskalya dagiti suspek a nakabalud iti police station.