Nakimmeg ti dua a suspek iti naisayangkat nga buy bust operation idiay Barangay Catbangen, syudad ti San Fernando, La Union idi rabii.

Nabigbig dagitoy nga isuda Rizalyn Lomocso, aka Lyn, 27 anyos balasang, entertainer, ket tudo iti Angeles Pampanga ken Marifel Abungan, 31 anyos, balasang, waiter, ken tubo iti Macabebe, Pampanga. Temporaryo dagitoy nga agnanaed iti Barangay Catbangen.

Immuna ditoy, nangisayangkat iti buy bust operation dagiti kameng ti San Fernando City Police, Philippine Drug Enforcement Agency (PDEA) ken dadduma a unit ti kapulisan kasaruno ti pannakaarestar kadagiti suspek.

Nakumpiskar manipud kadagiti suspek iti nagatagang a (1) pidaso ti transparent plastic sachet iti maatap a shabu nga agdagsen iti 0.1 grams nga addaan ti gatad a PHP680.00, (20) pidaso ti transparent plastic sachets nga naglaon iti mapagatapan nga shabu nga agdagsen iti 1 gram ken addaan iti gatad a P6800.00, (1) pidaso ti genuine P1,000 peso bill nga naaramat a kas buy bust money, ken (2) unit ti android cellphone.

Naiturong pay iti City Health & Wellness Center dagiti suspek para ti pannakaipasidongda ti medical examination kasaruno iti pannakaiturongda ti pagbaludad para iti kanayonan pay nga imbestigasyon.

-- Advertising --

Maur-uray met iti pannakaidatag iti kaso kontra kadagiti suspek.