LA UNION – Nakailista iti probinsiya ti La Union iti 18 a baro a kaso ti COVID 19 idi kalman, Enero 6.

Base daytoy iti inruar a datus ti Provincial Government of La Union (PGLU) kabinnulig da iti DOH-Center for Health Development 1,  Rural Health Units, Local Isolation Facilities, ken Hospitals.

Manipud kadagiti 18 a kaso, siyam iti nailista ditoy syudad ti San Fernando; innem idiay ili ti Bauang; ken saggaysa idiay ili ti Bacnotan, Luna, ken Rosario.

-- Advertising --

Iti agdama, adda iti 75 nga agpapaimbag wenno active cases iti intero a probinsiya.

Kabayatanna, dua met iti nailista a baro a recoveries manipud COVID 19 wenno pakabuklan itan a 720 iti total recoveries ditoy La Union.