LA UNION – Sumangsango iti agtutuon a kaso dagiti 12 a crew iti maysa a fishing boat manipud iti Barangay Pantal, Dagupan City, Pangasinan kalpasan dagitoy a natiliw dagiti otoridad nga iligal nga agkalkalap iti kabaybayan a masakupan ti ili ti Bauang, La Union idi Abril 14, 2021 iti naisayangkat nga Anti-illegal fishing operation.

Ti naisayangkat nga operasyon ket nagbinnuligan iti Philippine Navy babaen iti operating units iti Naval Task Force 11 iti NFNL ken ti Seaborne team iti Bureau of Fisheries and Aquatic Resources a nakabase idiay Sto. Tomas, La Union.

-- Advertising --

Base iti impormasyon manipud Naval Forces Northern Luzon, nagresulta daytoy ti pannakakumpiska ti Fishing Boat (FB) Princess Charisse ML15, dagiti natiliw da a sida ken ken fishing paraphernalia nga addaan ti market value a 2.5 Million.

Segun pay iti NFNL, nalabsing dagitoy a mangngalap dagiti sumaganad:
-Section 97 of RA8550 (Philippine Fisheries Code of 1998) as amended by RA 10654;
-Section 86 (Unauthorized Fishing);
-Section 13 (Commercial Fishing Vessel Operators Employing Unlicensed, Fisherfolk, Fishworker or Crew);
-Section 115 (Obstruction to Fishery Law Enforcement Officer); and
-Section 121 (Unlicensed Gear).

Dagiti nakumpiska nga ebidensiya ken dagiti natiliw a crew ket agtaltalinaed itan iti kustodiya iti BFAR idiay ili ti Sto. Tomas, La Union para iti disposisyon ken pannakaidatag ti kaso.