LA UNION – ┬áTallo iti nailista a baro a kaso ti COVID 19 ditoy syudad ti San Fernando, La Union kas kinumpirma ti City Health Office (CHO) idi kalman, Enero 19, 2021, base metten iti report ti Department of Health-Center for Health Development Region 1.

Dagiti nagpositibo ket pakabilangan da PATIENT #437, 28-anyos a lalaki, residente ti Purok 3, Barangay Canaoay, asymptomatic ken awan ti exposure na iti sakit; PATIENT #438, 47-anyos a  lalaki, residente ti Purok 4, Barangay Sevilla,  symptomatic ngem awan ti exposure na iti siasinuman a positive patient; ken PATIENT #439, 44-anyos a babae, ti Barangay Poro (Capitol View Subdivision), asymptomatic ken awan met laeng ti exposure na iti nasao a sakit, agpapada dagitoy a naka-admit iti Ilocos Training and Regional Medical Center (ITRMC).

Maysa met iti kumpirmado a natay ket pakabuklan itan a siyam iti total death iti COVID 19 ditoy syudad ti San Fernando.

-- Advertising --

Natay ni Patient #438, a  na-admit iti ospital idi Enero 16 ti agdama a tawen ngem idi laeng kalman, a nairuar ti resulta ti  RT-PCR wenno Swab Test daytoy ket rimuar a positibo iti CoViD-19.

Kabayatanna, maysa iti nakarekober iti sakit wenno pakabuklan itan a 367 iti recoveries ditoy syudad. Ni PATIENT# 422, 41-anyos a babae, manipud Barangay Sevilla, ket nakarwaren iti ospital ngem kasapolan a turposen na iti 14-day home quarantine.

Iti agdama, iti syudad ti San Fernando ket addaan ti 63 active cases.