ADVERTISEMENT

LAOAG CITY – Natiliw ti maysa a babai a maibilang a wanted person iti Barangay 1, San Lorenzo ditoy ciudad ti Laoag.

Binigbig ni Police Chief Master Sergeant Eric Bumagat iti PNP-Laoag, ti suspek a ni Marjorie Masaranga Y Sanguir, agtawen ti 26, awanan asawa, awanan ti trabaho ken residente iti Brgy. 3 Nuestra SeƱora Del Rosario ditoy siudad.

Segun ken ni Bumagat, natiliw ni Masaranga babaen ti bileg ti maysa a warrant of arrest nga inparuk- at ni Presiding Judge Jonathan Albano-Asuncion iti MTCC Branch 2 ditoy siudad ti Laoag.

Ti pannakatiliw ti suspek ket babaen iti nagtitipon a pwersa ti PNP-Laoag nga idadauluan Police Lt. Col. Rafael Lero, PIU-INNPO , PDEU- INNPO, RID-PRO1 , CID ILOCOS NORTE, HPU ILOCOS NORTE , 1st INPMFC, RMFB1 ken INMARPSTA.

Kabayatanna, nairekomendar ti 10 ribo a pisos a piyansa ti suspek para iti temporaryo a pannakawaya-waya na.

-- ADVERTISEMENT --

Iti agdama, nagtalinaed ti suspek iti kustodyar ti PNP-Laoag ken nagkedked metten a nagpainterview iti Bombo Radyo Laoag.