ADVERTISEMENT

LAOAG CITY – Nagpalagip ni Mrs. Vilma Eda, Schools Division Superintendent iti DepEd Laoag kadagiti amin a personnel a masurot ti schools hours nu maiyuswat ti virtual meeting.

Segun ken ni Eda, masapol a maipakammo kenkuana nu adda ti taripnong a kalikagum a maiyuswat tapno maamoan na ken manggegan na dagiti mapagsasaritaan.

Kabayatanna, naamoan a basar iti Omnibus Rules Implementing Book 5 iti Executive Order 292, walo nga oras laeng ti required a panagtrabaho dagiti personnel iti uneg ti lima nga aldaw.

Daytoy ket manipod iti alas otso ti bigat agingga iti alas singko ti malem nu sadino nga iti alas-dose agingga iti alauna ket isu ti naituding a break time.

Immuna iti daytoy, adda dagiti report a sumagmamano a personnel ti DepEd ti agpapaawag ti taripnong iti rabii ken iti aldaw ti Sabado.

-- ADVERTISEMENT --