ADVERTISEMENT

LAOAG CITY – Natiliw ti maysa a lalaki iti naiyuswat a drug buybust operation nga inyuswat ti PDEU, PDEA ken PNP iti Barangay 25 ditoy ciudad ti Laoag.

Nabigbig ti subject ti operasyon a ni Mr. Marlon Castillo, agtawen ti 48 ken residente iti nadakamat a barangay.

Nagatang dagiti otoridad ti dua a sachet ti maipagarop a napagango a bulong ti marijuana.

Malaksid iti daytoy, nakumpiskar dagiti otoridad ti maysa a pakete ti sigarilyo a naglaon ti dua a sachet ti maipagarop a napagango a bulong ti marijuana, maysa a 500 peso bill a nagserbi kas buybust money, dua a lighter, IDs, lisensya ken sabali pay ti 14, 200 a pisos.

Naamoan a nabayagen a sipsiputan dagiti otoridad ni Castillo gapo iti maipagarop nga iligal a droga ken karaman iti drug watchlist ditoy probinsya.

-- ADVERTISEMENT --

Mainaig ti daytoy, inpetteng ni Castillo nga awan ti ikot na nga iligal a droga.

Kunana a maipagarop a dagus lattan a ginammatan isuna dagiti pulis ken inruar da daytoy bayat nga agipakpakni kadagiti case ti arak.

Nupay kasta, inpetteng ti PDEU a naglako ni Castillo ti maipagarop a droga.