LAOAG CITY – Naarestar dagiti uppat a lallaki pakairamanan ti maysa a Barangay Kagawad iti Sitio Surong, Brgy. Lagui-Sail ditoy Siudad ti Laoag gapo iti iligal a panagsusugal.

Daytoy ti kinumpirmaran ni Police Staff Sergeant Jayson Domingo ti Duty Desk Officer ti Philippine National Police ditoy Siudad ti Laoag.

Nabigbig dagiti natiliw a da Richard Maneja y Medina, agtawen ti 46, balo, Church Laborer; rtemio Edu y Placido, agtawen ti 46, naasawaan, awanan ti trabaho; Florendo Medina y Pascual, agtawen ti 46, naasawaan, tricycle driver;  ken ni Romel Adriano y Ragadi, naasawaan, mannalon ken Barangay Kagawad ti Brgy. 54-A, Lagui-Sail ditoy Siudad ti Laoag ken agpapada dagitoy a residente iti nasao met laeng a Barangay.

Inbatadn a a naaktuan dagiti maseknan nga agay-ayam ti Lucky 9 iti maysa a minatayan.

Nakumpiskar iti naisayangkat nga Illegal Gambling Operation ket ti 40 pieces playing cards nga agmaris ti green, 1 a pedaso plastic table nga agmaris ti green, 1 pedaso a table cloth nga agmaris ti cream ken black stripes, 6 a pedaso ti plastic chairs ken 1 a pedaso ti plastic soup bowl nga agmaris ti green nga addaan ti karga a 350 pesos pakairamanan ti 3,500 pesos a nagbalin a taya iti panagsusugal.

Inlawlawag na a malaksid kadagiti nadakamat a suspek ket adda pay ti dua nga indibidual ti nakalibas a saan pay a nabirukan agpapan iti daytoy a gundaway a nabigbig nga isuda Marino Medina Guerrero, addaan ti umno a tawen ken Leo Pastor Flamiano, addaan ti umno a tawen ken agpada dagitoy a residente ti Brgy. 54-A, Lagui-Sail ditoy Siudad ti Laoag.

Malaksid iti daytoy, agmulta pay dagiti natiliw a suspek gapu iti panagsalungasing dagitoy iti maipatpatungpal a Curfew Hours ken ti panagusar ti face mask.

Kabayatanna, nasdaaw ni Barangay Chairwoman Beverly Juan iti Barangay Lagui-Sail ditoy ciudad ti Laoag a karaman ni Barangay Kagawad Romel Adriano kadagiti natiliw gapo iti maipagarop a panagsusugal iti maysa a minatayan.

Segun kenni Juan, iti pannakisarita na kenni Adriano, bayat a nakaduty da iti barangay checkpoint ket napan da nagronda iti minatayan ken ditoy a pinagsardeng da dagiti agay-ayam ti baraha.

Inbatad na nga idi agsubli ti kagawad ken dagiti kakadua na iti pagbanbantayan da ket maipagarop nga inbaga ti akin-balay nga urayen da ti meryenda da.

Nupay kasta, rumrumuar a bayat ti panaguray da ket ditoy metten a natiliw isuna babaen kadagiti kameng ti PNP-Laoag.

Naamoan a sinaludsod na pay iti kagawad no apay a nairaman isuna kadagiti natiliw, ti sungbat ni Adriano ket gapo ta isuna ti chairman ti Committee on Peace and Order iti  barangay da ken maipagarop a saan na nga inreport nga adda ti agsusugal.

Saan met a masungbatan pay ti kapitan no apay a saan nga inreport ni Adriano nga adda ti nagsusugal.

Kabayatanna, kunana a sakbay pay a maipatungpal ti MECQ ket naiget ti pammilin na kadagiti kalugaran na nga awan ti agsusugal uray kadagiti minatayan.

Immapela pay daytoy iti kabarangayan na a makikooperar dagitoy ken sumurot da kadagiti pagalagadan.